بویوک سرکرده، دولت اربابی و تورک تاریخی نینگ اېنگ مشهور سیمالریدن بیری — امیر تېمور تولدی نینگ 690 ییللیگی نشانلنماقده.
او «کوچ — عدالتده!» دېگن مشهور حکمتی بیلن بوتون دنیاگه باشقروو و عدالت یۉلینی کۉرستگن، یاش اولاد اوچون اېسه جسارت و قهرمانلیک نینگ حقیقي تمثالیگه ایلنگن.
امیر تېمور نینگ استراتېژیک تفکری، علمگه بۉلگن حرمتی و دولت باشقرووی حقیدهگی تعلیماتلری بوگون هم یاشلر اوچون مهم یۉلچی یولدوزدیر. اونینگ قطعیتی، مستحکم ارادهسی و وطنپرورلیگی بوتون حیاتی دوامیده یقّال نمایان بۉلگن.
بیز بوندهی اولوغ سیما اولادیدن اېکنلیگیمیز بیلن فخرلنهمیز. او اۉزی نینگ جسارتی و دانالیگی بیلن دنیانی حیرتگه سالگن بویوک شخص اېدی. او اورته آسیا و اوندن تشقریگه یاییلگن اولکن امپراتورلیک برپا اېتیب، تاریخده اۉچمس ایز قالدیردی.
اونینگ پایتختی — سمرقند دنیا نینگ اېنگ مهم علم-فن و مدنیت مرکزلریدن بیریگه ایلندی. بو یېرده عالِملر و صنعتکارلر اونینگ حاميلیگیده یوکسک ترقیاتگه اېریشدیلر.
امیر تېمور اۉزی نینگ نایاب حربي استراتیژيلری بیلن کېینگی اولادلر اوچون هم عبرت بۉلیب قالدی. او پراگنده حدودلرنی یگانه کوچلی دولت آستیده بیرلشتیردی همده قۉشین آرهسیده انتظام و صداقتنی استوار دېب بیلدی.
او قالدیرگن معماري و مدني میراث بوگون هم اۉزی نینگ بویوکلیگینی نمایان اېتیب توریبدی. او عدالت و ترتیب اساسیده کوچلی دولت برپا اېتگن بویوک رهبر اېدی.
شبههسیز، امیر تېمور تاریخ نینگ اېنگ تأثیرلی شخصلریدن بیری بۉلیب قالهدی. اونینگ میراثی عصرلر آشه همان خلقلرنی الهاملنتیریب، مدنیت رواجیگه خدمت قیلماقده.